Suliavut nunamik qatsissusilersuinermut aammalu nunap pissusaanut assigiinngitsunut uuttortaanernut atugassiarineqartarput, soorlu aatsitassarsiorfinnut, sanaartugassat pilersaarusiornerinut, avatangiisit upalungaarsimaniarnerinut, pisortat ingerlatsinerinut il.il. Suleqativut ilisimatusarnerillu aqqutigalugit, suliavut ineriartortittuarpavut paasissutissallu pitsaassusaasa qularnaarnissaat isumagalugit.
Asiaq sullissineq
Nunamik qatsissusilersukkamik assiliorneq uuttortaanerilu
Nunatsinni nunap assitai arlalippassuit qanganisanngorsimapput, sumiiffiit nikingallutik aammalu titartarnerat amigarlutik. Asiami avataarsuanit uuttortaanermik suliaallit (remote Sensing), qaammataasanit assilisat nutaaliaanerpaat atorlugit nunap assinginik nutarterisarput aammalu sukumiinerusumik nuna titartartarlugu, taamaasilluni paasissutissat aallaavigineqartartut pitsanngorsartarlugit.
Sullissineq
Nunamik qatsissusilersukkamik assiliornerit aammalu nunap pissusaanut assigiinngitsunut uuttortaanerit Namminersorlutik oqartussanut, kommuninut aammalu namminersortunut sullississutigisartakkavut makkuupput:
Nunamik qatsissusilersukkamik assiliorneq
- Nunap ilusaa qatsissusilersugaq aammalu 3D-ngorlugu takusassiarinera
- Sineriap killilersornera titartarneralu
- Sermit sumiiffii, suussusii siammasissusiilu
- Kuuit nalunaaqqutiliorneri siammasissusiilu
- Tatsit
- Illuaqqat sumiiffii
Uuttortaanerit
- Viewshed analyse
- Sineriap sorliuneranik uuttortaaneq
- Allannguutinik nalunaarsuineq
- ATV-p aqqutissaanik pilersaarusiorneq
- Nunap geologiata assiliorneqarnera
