Ullumikkut ulloq nalliuttorsiorfiuvoq. Aatsaavissuaq Nuummi mittarfimmut 2.200 meterisut takissusilimmut timmisartumik annerusumik mittoqarpoq. Mittarfimmik nutaamik ammartoqarnera Nuummut, Kalaallit Nunaatalu sinneranut, oqaluttuassartaavoq immikkuullarissoq.
Suliniutip aallartinneraniilli mittarfiup illortassaanik, nakkutilliisarfimmik mittarfimmillu nutaamik sanaartornermi Asiaq-mi nunanik uuttortaasaartut landsinspektørillu uuttortaanermut nakkutilliinermullu ikiuussimapput. Suliaq naatsorsorluarlugu suliaavoq, sanaartornermullu taamak angitigisumut taamallu pingaaruteqartigisumut suleqataasimanerput tulluusimaarutigeqaarput.
Tamatta pilluarujussuarta! Ulloq immikkuullarissoq siunissarlu mittarfittaarnerup kingorna periarfissarpassuarnik ammaassisuusoq nalliuttorsiutigitigu.
