ASIAQ Greenland Survey pinngortami uuttukkat uumaatsut aallaavigalugit, nunatsinni misissueqqaarnernik ilisimatusarnernillu suliaqartuuvooq. Paasissutissat assigiinngitsunit uuttortaanermi katersortarpavut soolu; najugaqarfinni inuilaamilu nunap uuttortarnerani, imissarsiorfiusinnaasut uuttortarneranni, silaannaap pissusaata malittarineratigut, nunap qaavata iluatalu misissorneratigut, illuliorfissat sanaartukkallu inissiffissaasa naleqqersornerisigut. Tamakku tamarmik paasissutissanik pitsaasunik nunatsinni najugalinnut,suliffeqarfinnullu tunisisarput. Taamaasilluta silaannatta pissusaa, nunatta illoqarfittalu isikkua, illuliorniarutta toqqavigisinnaasavut, imeqarfissavullu qanoq pitsaatigineri, qanoq annertutigineri sumiissinnaanerilu paasisarpavut. Asiaq 100 % -imik Namminersorlutik Oqartussanik pigineqarpoq, ukiullu 60-it sinnerlugit nunatsinni sumi tamaani misissueqqaarnernik suliaqartarpugut.
